वहीतला गुलाब...

"बोलक्या तुझ्या ओठांतून माझा क्षण मी चोरून घेते,
बोल घरी सांगु का कालचा गुलाब तू दिला होतास ?"

काही न बोलून काही होणारे का.? काहीतरी तर बोल.
काल पाऊस पडला त्यामुळे आपोआपच घरच्यांना सगळं कळलं. त्यात तू तो गुलाब वहीत घालून दिलास.
बाबांनी तपासली कि वही...
मला म्हणे 'फुलवाले पण गुलाब द्यायला लागले वाटतं ?'
मग काय..? बोलावं लागलं खोटं.
"बाबा... फुलवालेच तर गुलाब विकतात."
मग त्यावर पुन्ह: प्रश्न, "विकतात ..? हा गुलाब फुलवाल्याकडून विकत घेतलेला नाही दिसते."
"काय बाबा तुम्ही पण ... तुमच्या मुलीला काही आवडलं तर ती ते विकत घेऊही नाही शकत का ?" मी अतिशहाणपनात म्हटलं.
"म्हातार्याला तरुणपणाचं खोटं विकणं पाप आहे मुली.' बाबा मस्करीत म्हटले. तिथेच तु जिंकलास. बाबा खूप इमोशनल होतात रे.....

म्हणे,"सांग तुझ्या त्या काट्याला... खर्या गुलाबाला नीट जप म्हणावं.
आणि ए माझ्या गुलाबा ...पुढच्यावेळी फुलवाल्यालाही घेऊन ये सोबत.... बघु तर दे माझं चोरलेलं गुलाब कसं जपणारे ते ..."
त्यामुळे पुढच्यावेळी तु घरी ये बिंदास्त ... आणि हो सोबत गुलाबाचं उत्तर घेऊन ये. बाबा खूप हळवा आहे , कठोर होईल त्या क्षणी. बाकी गुलाब का फूल उनके लिये भी लाना जरुर,क्या पता तुम्हें पसंद कर ले |